25
10
16
(非会员)
0
0
服务、态度超差嘅餐厅﹗﹗
2010-01-27 93 浏览
今日揾朋友食lunch，又唔想去茶餐厅食得咁赶，所以咪试下呢间，佢价钱唔平，最平个set lunch 要 $45。不过如果食得舒服啲就算啦~~我朋友放食12:30 pm, 因为我早咗到，又唔想四周围行，咪早啲入去等啰，果时大概 12:10pm. 当时成间餐厅得我一个客，不过就觉得啲职员系我身边行黎行去，尤其系一个好矮嘅阿伯。差唔多12:25pm，个阿伯好恶咁走埋黎问:「你究竟几时点餐?」我咪话等埋我朋友先，佢就到。之后佢仲更加恶咁质问我:「咁佢几时到?」我真系以为自己去咗大排档，我唔知佢系咪虾我一个女仔，但系其实除咗我之外，成间餐厅只有另外一枱客。我咪话:「你咩态度呀?」之后应该系佢果仔走黎同佢讲算啦。个时我想即刻走，但系我朋友啱啱到就算啦﹗仲有，我地食嘢嘅时候，果个阿伯系我地身边行黎行去，连我朋友都觉得好烦，话快啲食完走，果时仲未到一点，同埋只有三分一客﹗呢间餐厅应该系家庭作业，同埋同区咁多竞争者，佢价钱又唔平，食物又普通，加上咁嘅服务态度，根本就系度赶客。我同我啲朋友以后、以后都唔会帮衬﹗唔想贴钱买难受﹗
更多
今日揾朋友食lunch，又唔想去茶餐厅食得咁赶，所以咪试下呢间，佢价钱唔平，最平个set lunch 要 $45。不过如果食得舒服啲就算啦~~

我朋友放食12:30 pm, 因为我早咗到，又唔想四周围行，咪早啲入去等啰，果时大概 12:10pm. 当时成间餐厅得我一个客，不过就觉得啲职员系我身边行黎行去，尤其系一个好矮嘅阿伯。差唔多12:25pm，个阿伯好恶咁走埋黎问:「你究竟几时点餐?」我咪话等埋我朋友先，佢就到。之后佢仲更加恶咁质问我:「咁佢几时到?」我真系以为自己去咗大排档，我唔知佢系咪虾我一个女仔，但系其实除咗我之外，成间餐厅只有另外一枱客。我咪话:「你咩态度呀?」之后应该系佢果仔走黎同佢讲算啦。个时我想即刻走，但系我朋友啱啱到就算啦﹗

仲有，我地食嘢嘅时候，果个阿伯系我地身边行黎行去，连我朋友都觉得好烦，话快啲食完走，果时仲未到一点，同埋只有三分一客﹗

呢间餐厅应该系家庭作业，同埋同区咁多竞争者，佢价钱又唔平，食物又普通，加上咁嘅服务态度，根本就系度赶客。我同我啲朋友以后、以后都唔会帮衬﹗唔想贴钱买难受﹗


(以上食记乃用户个人意见 , 并不代表OpenRice之观点。)
  • 推介
    已推介
  • 检举
1 已推介
    张贴
    评分
    用餐日期
    2010-01-27
    人均消费
    $60 (午餐)
    推介美食
    • 冇嘢值得推介，简直贴钱买难受