嘹咋咧

营业中

休息中

渣甸坊小巷有呢间北方面食小店，地方清洁，于是就嚟食午餐。环境: 冷气充足。洗手间清洁。服务态度: 第一次光顾，花左少少时间睇餐牌。侍应没催促，笑容可掬。有一点十分值得表扬:午后虽食客不多，但侍应们从没走到楼面打牙较，或企喺度望住你食嘢。殷勤也保持令食客舒适嘅距离。食物:点咗油扯面配茴香猪肉饺，猪耳，手工挂面微辣配酥炸排骨。油扯面系一块过嘅阔面条，一碗只得一条，薄薄滑滑。厨师煮得刚刚好，无因为薄，而一夹就烂。泡在汤里，食到尾，都仲保持到嚼劲。饺子饀岀色，茴香足料，猪肉打得够粘。手工挂面系幼面，汤汁挂面。排骨炸得刚好，保留到肉汁，炸皮干身酥脆。赞。麻香猪耳，如果你钟意芫茜葱嘅香味，你会钟意呢个小食。真系落足配料，摆盘用心。但要一提，猪耳系好有𡁻头。如果你食惯潮州卤水猪耳咁淋淋地嘅，可能觉得比较硬。铜锣湾地段，坐得舒服，服务态度超班，食物份量、味道唔欺场嚟讲，真系良心价。多谢你哋喺疫市中，煮良心食物俾我地。