和牛燒肉一郎 (新都城中心二期) (已結業)

今次拣左中间价位既Set C，有黑毛和牛加各款精选海鲜豚牛鸡。系比较平但又有和牛食既餐，平日晚市可以任食100分钟。一开始会先上一次性既黑毛和牛+澳洲M9薄炙，和牛油花好靓，入口即溶。另外海鲜类既虾肉厚实大只，青口新鲜。而前菜、小食同埋饭面类选择都几多。之后可以继续任食4款特选牛，有牛肋肉、牛里脊肉、薄炙里脊肉、同埋牛肉角切一口牛。其中我最钟意薄炙里脊肉，调味适中，快烧10几秒就可以。其他款式既牛入面我最推介两色葱花牛舌，非常入味。餐厅职员见我鸡手鸭脚主动过嚟帮手烧左一转，仲好快换埋个网同搽左D油脂令佢冇咁易痴底，细心度满分。场内自助区仲有多款饮品 (当日有3款特色茶)、汤、饭、沙律同埋甜品添！整体嚟讲食物质素高，上菜快，服务用心，可以一试。