翡翠拉麵小籠包 (已結業)

今日同家人去完中环坐摩天轮，然后坐天星小轮番尖沙咀。去海港城揾野食。今日就食尼个「翡翠拉面小笼包」。叫左4碟菜。首先，必点传统小笼包。小笼包水准依然。皮薄多汁。咬落去小笼包入面既汁喷出黎。所以真系要小心烫口。第二，四川担担面，尼间既担担面普通，无肉碎又无花生粒，得d汤汁、面同葱。仲有佢既汤汁系好似沟左水甘。唔惦。失晒水准😪😪第三，上海炒年糕真系好好食。我最欣赏佢既冬菇整到个样好似啫喱甘。咬入去d冬菇味同酱汁浸出口腔。真系好味道。连平时唔钟意食冬菇既我都唔抗拒。👍👍👍最后叫左奶油津白，菜好甜，加上淡淡既奶油味，好夹！必点。总结，服务真系好好。待应们见到台上面既水就黎无就会自动帮我地fill.值得一赞！