大丸ラーメン

营业中

休息中

等左一排先试到哩间听说有个好靓仔嘅日本老板兼主厨嘅大丸。 各花入各眼所以唔评论靓唔靓仔。侍应超好礼貌，感觉好好。店铺冷气装修都令人觉得好舒服， 座位舒适。同朋友各点左盐味豚骨，黑酱油豚骨同辣味豚骨汤底。之前听闻份量少得可怜，但今次明显已经改善，面量好多，叉烧两块，慢煮feel嘅肉质，半只温泉蛋，笋同黑木耳， 整体系饱肚嘅。味道方面，我食盐味豚骨汤底，一个字，非常淡，店员解释哩个汤底系偏淡如果想浓味可以试下黑酱油味嘅，不过重点就系淡你先特别试到个汤嘅其他味道，系根本冇味，系冇味，一啲豚骨味都冇，我试埋朋友嘅汤，相比之下的确系浓好多，但系！！！！黑酱油就只有豉油味，辣就只有辣味，豚骨呢？仲系冇。我唔系专家食神，唔知汤稀味淡系咪其中一种做法，但好冇食我只可以讲真系麻麻地。午餐88蚊真系有点太贵了。