新軒尼詩茶餐廳 (已結業)

啱啱转工到湾仔，早两日求其揾间餐厅去食lunch，见到呢间餐厅人山人海多人到七彩，谂住掉头去第二间食，点知比个好似老细嘅伙计好热情咁招呼咗入去。叫个滋味餐-鸡扒蕃茄杂菜汤饭跟热奶茶，杯奶茶OK㖞有茶味，谂住慢慢叹，谁不知一个唔小心成杯茶跌落地打烂咗重成地奶茶，心谂今次大柠乐。点知个好似老细嘅伙计仲笑住口咁帮我转个个位重冲过杯奶茶比我。咁我仲唔拿拿临食完走咩，返上公司同D同事讲噃单嘢，佢地个个都话呢间餐厅D服务无得顶，仲话呢间餐厅以前得一间做到两间，D野食又好食，所以佢地曰成曰都去帮衬。咁话时话个鸡扒蕃茄杂菜汤饭又好食，件鸡扒又大块，成个餐都系廿零蚊,湾仔区写仔楼，去边度揾呀！呢间餐厅以后一定会成为我嘅饭堂。