Outback Steakhouse (荃灣廣場)

营业中

休息中

信用卡有优惠，即刻揾埋屋企人去试下佢嘅斧头扒餐。套餐有齐汤，黑糖包，沙律，小食，主菜份量足，食得好饱。黑糖包真系食极唔厌，焗至微暖，而且微甜，够软熟，我地都encore左2次。青椒洋葱汤，味道唔错，清清地，冇乜味精。芝士焗薯片，有拉丝嘅效果，薯仔有入口即溶嘅感觉。小食拼盘属正常水准斧头扒有惊喜，够晒份量，拣左七成熟，仲有少少红，在铁板上边烧多阵，味道啱啱好，唔会太硬，但略嫌脂肪比例就比较多。另外加左洋葱花球同炸蘑菇特别要赞下呢度嘅服务，服务一流，经理细心，我地坐低之后，见到地下污糟，马上亲身清洁，唔会敷衍了事。我地追问菜式，佢都追得好足，随后仲为我哋送上生日蛋糕，真系非常窝心，不得不赞一下。