影片
更多
2023-12-29
40 浏览
食得老麦，就唔好同我讲健康！手机应用程式优惠价套餐，$48.5包括：脆鸡包一个增量装薯格一份麦乐鸡4件配芥辣酱大汽水一杯脆鸡包系继猪柳蛋包后，另一款仍然保持水准嘅包类食物，包够热够脆，唔似KFC𠮶啲冻冰冰嘅包，单系呢点已经赢咗香港市场其中一个主要竞争对手。薯格，KFC真系好蠢，居然放弃提供呢款食物，我相信好多人包括我都喜欢食佢多过食薯条，依家要食薯格真系要帮衬老麦，虽则系时间限定，但都好过毫无选择要被迫食薯条。讲返呢只薯格，味道系比上次好食咗，但我始终喜欢佢最初𠮶只烧烤味，酱比依家多，颜色系橙色，劲似KFC𠮶只味，非常吸引，唔系依家呢只黄色，卖相毫不吸引，味道亦不及起初嘅烧烤味，虽然质感系一样。麦乐鸡4件居然有一盒酱，算系赚咗。三只酱之中，我独爱芥辣酱，虽则依家嘅麦乐鸡无以前咁好食，但依然比KFC嘅鸡块好食，所以又再次砌低对手。汽水，手机应用程式只可叫少冰，但唔可以叫走冰，呢方面老麦仍有改善空间，虽然佢嘅手机落单程式确系做得唔错。而关于饮品选择方面，我记得以前有一段时间有热汤选择，但依家无咗，我觉得甚为可惜，尤其是天寒地冻嘅日子，一碗热汤点都好过一杯咖啡奶茶，甚或一杯朱古力。最后，真系
手机应用程式优惠价套餐，$48.5
包括：
脆鸡包一个
增量装薯格一份
麦乐鸡4件配芥辣酱
大汽水一杯
脆鸡包系继猪柳蛋包后，另一款仍然保持水准嘅包类食物，包够热够脆，唔似KFC𠮶啲冻冰冰嘅包，单系呢点已经赢咗香港市场其中一个主要竞争对手。
薯格，KFC真系好蠢，居然放弃提供呢款食物，我相信好多人包括我都喜欢食佢多过食薯条，依家要食薯格真系要帮衬老麦，虽则系时间限定，但都好过毫无选择要被迫食薯条。
讲返呢只薯格，味道系比上次好食咗，但我始终喜欢佢最初𠮶只烧烤味，酱比依家多，颜色系橙色，劲似KFC𠮶只味，非常吸引，唔系依家呢只黄色，卖相毫不吸引，味道亦不及起初嘅烧烤味，虽然质感系一样。
麦乐鸡4件居然有一盒酱，算系赚咗。三只酱之中，我独爱芥辣酱，虽则依家嘅麦乐鸡无以前咁好食，但依然比KFC嘅鸡块好食，所以又再次砌低对手。
汽水，手机应用程式只可叫少冰，但唔可以叫走冰，呢方面老麦仍有改善空间，虽然佢嘅手机落单程式确系做得唔错。
而关于饮品选择方面，我记得以前有一段时间有热汤选择，但依家无咗，我觉得甚为可惜，尤其是天寒地冻嘅日子，一碗热汤点都好过一杯咖啡奶茶，甚或一杯朱古力。
最后，真系想赞下老麦嘅楼面（唔系柜面，柜面经常错漏百出系常识），我无论去到边间，都非常友善，送餐时又会多问一句：仲有无咩需要，非常贴心。
而呢一晚，送餐嚟嘅系一位阿婶，虽然时间系晚上9点几，但目测都有五成入座率，但佢一个由送餐到清洁一脚踢之余，仲可以同啲十零岁嘅后生仔倾下计，关心下佢哋，唔单只咁，当我发觉送餐嚟嘅时候漏咗个酱嘅时候，我叫做紧清洁餐盘嘅佢听，佢立即放低手上工作，帮我去柜台拎盒芥辣酱畀我，仲解释畀我知话柜台职员解释已经执咗落嚟，但佢都见唔到有。
而我离开嘅时候，佢第一时间埋离做执拾，仲同我讲话好声行，欢迎下次嚟帮衬，呢类客气说话。虽然我当时木无表示，但从心底已经留下好印象。
香港饮食业唔系无好员工，问题系你遇唔遇得到，而且我亦相信同公司嘅管理、文化及培训有直接关系，单单系一个做楼面阿婶嘅服务，我敢讲已优胜过好多食店啦！
张贴
