BriKetenia (香港科學園) (已易手) 新餐厅

第一次去科学园食嘢，啲餐厅多到数唔晒，后来见到呢间号称法国总店系米芝莲一星嘅餐厅，就同另一半去试一试 。因为喺公众假期去，去到1:30都仲要排队，最后大概排咗半个钟。都未入到餐厅有位员工同我哋讲因为厨房太繁忙，预期上菜速度会好慢。最后啲嘢等咗接近半个钟先嚟晒。我哋两个人嗌咗一客鹅肝多士，一份海胆意大利饭同埋一个法国烧春鸡。我觉得鹅肝多士就几好食嘅，又唔算太油腻饱肚，但系个海胆意大利饭就一般般，因为个海胆细到睇唔到同埋芝士味有啲重，至于个法国烧春鸡就中规中矩。整体嚟讲环境几好，啲座位好阔落，不过员工嘅服务态度就一般般。