Triple Cafe

营业中

休息中

陪朋友喺附近睇完楼，就过嚟试吓呢间餐厅。之前其实都好想试，但系原来佢中间有落场时间，今次终于可以嚟试吓。叫咗个牛扒同埋牛油果带子意大利饭个牛扒卖相一流，生熟程度亦处理得好好，但系肉味唔算浓，焦香感亦唔系好足。个牛油果带子意大利饭，粒带子唔会太熟咬落去都好鲜甜。但系个牛油果汁里面加咗样野，搞到d苦涩味影响晒成个饭嘅味道，另外个意大利饭我觉得可以煮生少少就更加好啦。比较钟意佢跟餐𠮶杯嘢饮，柠檬带少少蜂蜜味，食完都唔会觉得油腻。同埋个提拉米苏甜度恰当。另外要赞那个侍应服务好好，由落单到送餐样样都招呼周到，而家嘅食肆真系好少有。