咖啡灣 (已結業)

D 服务好差啰，我叫咗杯冻嘅绿茶牛奶，点知嚟错咗杯热嘅绿茶牛奶（个三眼仔拉花其实都几靓），我即时同返个侍应讲：「咦?我叫冻饮㗎㖞，我系叫冻嘅薄荷朱古力（当时记错咗自己饮咩）」，个侍应即时黑面拎走杯嘢，唔好意思都冇句，过咗一阵（相距都冇半分钟），我醒起我原先叫嘅系冻绿茶牛奶，我咪揾返同一个侍应讲返啰，讲晒唔好意思，记错咗，点知个侍应喺我张枱到收返个餐牌，行去入单个柜面到掷餐牌发脾气，请问冲错杯热饮系边个问题?系我错咩？我讲错咗更正返嘅时候都有讲唔好意思，我唔明点解个侍应要咁嘅态度啰！个侍应系著黑衫嘅，有可能系店舖嘅经理或者比较高级嘅侍应……如果比较高级嘅人都咁对D客，其他细嘅有样学样点算?老实讲呢间嘢嘅嘢食真系几好味，几精美，但系咁嘅服务态度，以后我都唔会去啰！奉劝各位食客叫完嘢食主动同个侍应对吓个 order, 费事人哋落错单出错嘢，又要黑面又要发脾气，影响人哋工作心情，影响其他食客啦！