譚仔雲南米線 (樂富廣場)

营业中

休息中

之前经过睇广告，见到出咗两款韩式新米线，好奇之下，试咗其中一款。侍应姐姐服务亲切，系乐富三间连锁式米线舖入面，服务最好嘅一间，所以而家食米线多数嚟呢度。落单之前，要加钱嘅嘢佢哋会清楚讲明，亦会确定客人叫嘅嘢。（有次我要求转菜底，个姐姐再三讲「转菜底无米线㗎㖞」。😂😂）点咗烤猪柳芝士泡菜捞米线。芝士同泡菜都系我喜爱嘅食材，加上捞米线呢个配搭又几新鲜，所以决定试呢过。另外加金菇、五小辣，再叫杯热柠蜜。嚟到卖相不错，都几足料。芝士酱捞埋米线呢个配搭以为好奇怪，食落又唔系，都几夹吓，最难得嘅系就算食到尾都唔会觉得好漏。猪柳肉质够松，唔会死实实，可惜咸咗少少。尤其芝士本身已经系浓味嘅汁，加埋变得更咸。呢度要扣返少少分。虽然味道不错，但加个𩠌配嘢饮就六十几蚊埋单。所以未必会再食啦。