嘗樂 (譽都)

营业中

休息中

平时都会去食早餐， 以前会间中去食晚餐， 但由于食物质素大不如前同服务实在太不知所谓， 依家晚市已经冇咗去， 只不过都系贪方便先间中去食早餐。服务差都算， 茶餐厅要求不能太高 ，反正食完就走， 去结帐𠮶阵时， 咁用八达通付款啦， 跟住新嚟𠮶位收银搞咗好耐， 手机八达通亦显示已经扣了款项， 点知佢话收唔到叫个老板出嚟 ，个老板走黎话公司电脑收唔到钱， 叫我再另外畀现金， 本身谂住费事嘈，畀咗佢先。咁佢叫我打去八达通公司查询， 点知八达通公司了解完件事都表示完全不合理， 表示根本唔应该再畀钱佢， 交易纪录已经系一个好明确嘅证据， 证明我已经付了款 ，仲叫我即刻去拎番钱， 商户话收唔到钱应该佢哋打去同佢查询。 返到去个收银态度已经麻麻地， 点知个老板仲带我游花园， 叫我留电话有消息再通知我 ，即刻火都嚟，本身餐厅叫我同八达通公司查询，人哋叫我落嚟拎返钱， 你又拖拖拉拉唔肯畀， 个几十蚊咁少但都要拖个客，出面冇一间公司咁样处理， 完全未见过间咁不知所谓嘅餐厅，唔怪之得啲客越嚟越少， 完全系赶客！一D唔好意都唔觉得佢有， 并冇为客人造成不便 ， 仲好意思叫我留电话，等佢有消息再通知我！伏，服务中