上海萬家村小館 (已搬遷) 新店位置

10月30号星期日晚6:30左右同爸妈到上址帮衬，今次是自己第二次帮衬(对上一次整体都ok)，一坐低已经有一个女士走埋黎问食d咩，我地话睇睇先，不过两分钟，同一个女士走埋黎以不耐烦的语气问食d咩(当时店内只坐满一半)，我妈唯有快快点咗小笼饱(10只)、一个汤、炒面及汤面各一，全部散叫冇叫餐，冇来一笼五只小笼饱先到，我地话系叫10只，另一女士态度轻蔑地话"一阵上埋𠮶五只law，食住先喇!" 我地唯有阿Q谂费事冻哂仲好喇。到上个汤，点知又落错单，个汤系跟餐size，我地同番落单𠮶个女士讲，佢竟然仲话我地讲错(我妈落单时已经重复两次话唔要餐)，结果草草食完埋单，本来我想check单因为一笼10只小笼饱同两笼5只小笼饱系争$2(已经满肚子气)，后尾见系手写单都冇再check兼1蚊tips都冇比转身走人。总括来说，其实d嘢食都算ok但一句讲哂冇下次!