影片
更多
2017-07-09
88 浏览
睇openrice啲相，呢间餐厅好似好黑咁，黑嘅餐厅我会食食吓瞓着㗎㖞，不过嚟开呢头，又实在揾唔到有乜好食，黑就黑啦，瞓就瞓啦，嚟试吓！亲切的店员Ice好咁递上menu及作出介绍，谂都唔洗谂梗系要羊架及牛扒啦，虽然真系好想食海鲜拼盘，不过得我同旗袍两个人点食吖.... 话时话，入到嚟估唔到呢度系咁光猛，天花嘅吊灯造形特别又够多，而且干净企理，之前𠮶啲顾虑一扫而空！3种前菜放喺月半弯形嘅碟上，超靓！配合台面上𠮶个lemongrass蜡烛，好特别！3种前菜分别系....玛苏里拉芝士蕃茄沙侓配自家制香草酱呢个组合一直都系绝配，点整都会好食嘅！蕃茄超新鲜够大块，最重要系真系有蕃茄𠮶种甜味！香草味道浓郁但唔会盖过蕃茄嘅天然香气，但如果块Mozzarella芝士可以大块啲就好了，太爱佢了，多多都唔够食哈哈！黑松露野菌忌廉汤上面𠮶层系乜野嚟㗎呢，原来系蓝莓泡沫，好特别，而且真系有阵阵蓝莓香；但饮落去有啲酸嘅？即刻叫亲切的Ice过嚟求救，佢亦都即刻走去问大厨发生咩事，大厨话应该系啲野菌未煮得熟，所以有啲酸味，佢哋感到非常抱歉，所以即刻重新煮过，阵间仲会再俾过两碗我哋饮日本蓝鳍吞拿鱼慕士葱花酥皮盒由于门
3种前菜放喺月半弯形嘅碟上，超靓！配合台面上𠮶个lemongrass蜡烛，好特别！3种前菜分别系....
玛苏里拉芝士蕃茄沙侓配自家制香草酱
呢个组合一直都系绝配，点整都会好食嘅！蕃茄超新鲜够大块，最重要系真系有蕃茄𠮶种甜味！香草味道浓郁但唔会盖过蕃茄嘅天然香气，但如果块Mozzarella芝士可以大块啲就好了，太爱佢了，多多都唔够食哈哈！
黑松露野菌忌廉汤
上面𠮶层系乜野嚟㗎呢，原来系蓝莓泡沫，好特别，而且真系有阵阵蓝莓香；但饮落去有啲酸嘅？即刻叫亲切的Ice过嚟求救，佢亦都即刻走去问大厨发生咩事，大厨话应该系啲野菌未煮得熟，所以有啲酸味，佢哋感到非常抱歉，所以即刻重新煮过，阵间仲会再俾过两碗我哋饮
日本蓝鳍吞拿鱼慕士葱花酥皮盒
由于门口疑似抄牌，所以我出咗门口一阵，隔咗一阵返入嚟继续食，个酥皮盒仲好香脆，入面嘅吞拿鱼慕士好香甜，有少少葱花口感更好
前菜
7 浏览
0 赞好
0 留言
黑松露野菌忌廉汤
10 浏览
0 赞好
0 留言
时令雪葩
食红肉主菜之前，食少少雪葩清清口腔先...
时令雪葩
10 浏览
0 赞好
0 留言
黑松露野菌忌廉汤
而喺呢个时候，个汤返嚟了，哇好大碗呀！点解大碗咗咁多㗎？！亲切的Ice话感到非常抱歉，所以俾返个加大版俾我哋饮，仲话大厨试过味，今次唔会再有酸味㗎喇。喺未捞匀黑松露酱之前饮饮先，唔会太杰，野菌味浓，又有啲菌粒，口感几好，不过可以咸啲；捞匀佢再饮，吖就系咁喇，有啲黑松露味道点缀一吓，正！亦都非常欣赏佢哋嘅应变能力，抵赞！
黑松露野菌忌廉汤
13 浏览
0 赞好
0 留言
黑松露野菌忌廉汤
13 浏览
0 赞好
0 留言
烤澳洲羊架 ($198)
哇有成三大件咁多嘅，肉质软滑又juicy，唔食羊嘅我都试一啖先，羊臊味唔劲，估唔到我又食到㖞。话说个雪葩仲喺度，谂住食完旧羊肉，食少少雪葩清清个口腔啦，虽然冇羊臊味。真系天真，一食完一啖雪葩后，啲羊臊after taste系涌出嚟㗎，吓到我差啲水杯都攞唔切！估唔到呢个羊架咁奸险！！！再食吓垫底嘅薯蓉，原来都有羊臊味㗎！伴碟嘅蔬菜上，每块都有黑椒调味，细心！钟意食羊嘅朋友，应该会好满意呢度菜了！
烤澳洲羊架
$198
6 浏览
0 赞好
0 留言
烤澳洲羊架
$198
9 浏览
0 赞好
0 留言
烤澳洲羊架
$198
15 浏览
0 赞好
0 留言
慢煮美国安格斯牛扒 香煎法国鹅肝 焦糖菠萝 烧芦笋 羊肚菌忌廉汁 ($238)
上面有一块细细嘅鹅肝，份量啱啱好唔会太腻，入口即溶超正；牛扒肉质唔鞋仲好juicy，厚度啱啱好；羊肚菌忌廉汁先无得顶，话说羊肚菌有几矜贵就系铁一般嘅事实㗎啦，我都唔奢望个汁入面会有好大粒我最爱嘅羊肚菌，但竟然入面有1大1细！真系开心到笑出嚟啊，将啲汁倒晒喺牛扒上面食，系几咁好味呀！下面块大菠萝、翠肉瓜及矮瓜大大减低油腻嘅感觉。食完睇返相先发觉，条芦笋呢？
慢煮美国安格斯牛扒 香煎法国鹅肝 焦糖菠萝 烧芦笋 羊肚菌忌廉汁
$238
4 浏览
0 赞好
0 留言
慢煮美国安格斯牛扒 香煎法国鹅肝 焦糖菠萝 烧芦笋 羊肚菌忌廉汁
$238
7 浏览
0 赞好
0 留言
慢煮美国安格斯牛扒 香煎法国鹅肝 焦糖菠萝 烧芦笋 羊肚菌忌廉汁
$238
2 浏览
0 赞好
0 留言
Rose Latte
咖啡及玫瑰味都好平均，上菜时见咖啡面有啲玫瑰花瓣，谂住都系同外面𠮶啲冇乜特别啦，点知饮饮吓入面真系有原粒玫瑰，而唔系只得玫瑰syrup㗎，成件事太有诚意喇！
Rose latte
4 浏览
0 赞好
0 留言
Rose latte
9 浏览
0 赞好
0 留言
桃花红茶
一壶咁上，入面有好多桃花，卖相吸引，不过我就觉得偏酸，加少少蜜糖饮会更好，饮完一定有好多桃花啫！
桃花红茶
4 浏览
1 赞好
0 留言
呢条街嘅餐厅普遍都系比较亲民啲，而呢间餐厅位置方便易揾，食物质素又唔错，最重要系服务一流，待客之度及应变能力都极高，系冇谂过咁高，值得一试！
话时话，今晚有另一台全女班，食食吓佢哋请亲切的阿Ice帮佢哋影相，点解我留意到呢，因为我听到佢叫啲女士们望呢边，又递高部电话帮佢哋高炒，需知识高炒嘅摄影师喺现今世代系非常矜贵，佢仲要喺长台嘅一边影完再行去另一边再高炒一张！虽然成间餐厅都坐满人，而且佢都做到差不多未停过手，不断咁走嚟走去，但佢依然成晚都笑容满脸，非常抵赞！如果Openrice服务𠮶一栏，5粒星系满分，我会俾你10粒星！
下次我再嚟帮衬的话，记住俾返条芦笋我食啊，哈哈！
张贴
