聰嫂私房甜品 (已結業)

朋友提意去食甜品，因为新张买一送一。放工就去，无咩人，两三枱。叫左榴梿水晶冰，榴梿味都够，不过冰系好实个种，个人比较钟意绵绵冰既质感。落单个时已经show比店员like左佢facebook同share，见单无显示买一送一，店员话收钱时会自动减一个。咁咪放心继续食。之后加多个榴梿班戟，见系出面个柜已经整好，但等再十分钟都未有人去攞，所以问另一店员，原来无落单，之后先见佢去攞。埋单时，要等入面唯一一个厨师出黎收钱，佢就照收两分榴梿冰价钱，我地话like左facebook有买一送一，佢话要收钱时出示，刚好第一个店员食完烟行过，就话同左我地讲收银时出示，感觉好差，讲一套做一套，而你本身都检查左我地like左啦，又挂住食烦无落单，收银见同事帮口，立即黑我地面啰，服务太差啦，买一送十都无咩兴趣再黎啰。