影片
更多
2008-11-03
29 浏览
今日行过见无人等未去试下, 门口登记位小姐已经黑口黑面地问你几位, 原本谂住走, 但佢即刻话有位, 咁就入左去, 食物水准都OK, 唔算得话好好食, 食完叫个侍应换杯热茶谂住饮完就走, 点知D侍应搅唔搅就黎执台, 又问D野齐晒未, 我心谂你都执好晒张台, 只系净番4杯茶仲问, 谂住等杯茶啱饮饮完就走, 跟住有位著黑衫既女人又问D野齐晒未,同埋加唔加野食, 如果唔加就叫我地埋单先, 我即刻问佢咁系唔系赶我地走, 佢竟然话埋单先, 费事一阵同一时间好多人埋单要等好耐, 当时根本不是繁忙时间, 同埋个女人D态度系劲差, 查实一早已见佢系门口同个客望住我地好多次, 个熟客等紧5位台佢地要等我地4位走左佢可以将4位台加多张台仔变6位台,比个熟客, 刚巧隔离台叫埋单, 个女人即刻用对讲机同门口个小姐讲有位啦, 人地咁钟意坐未比佢地坐到够, 由我地坐低食野到个女人叫我地埋单先都系40分钟既事, 如果我地坐左系度几粒钟就话遮,总之这店我一定唔会再去, 就算间餐厅几好食都好D服务咁差, 都会赶走晒D客, 希望个老板睇到, 训练下D员工
张贴