高麗韓國餐廳 (已結業)

1/4愚人节，真系几愚....明明写住收十二点，我地九点九去到，叫左个二人套餐，$210，先黎六碟前菜，算好食，但个侍应系差不多掟落台的，再掟三碟肉同多春鱼同鱿鱼，但个烧炉好唔掂，烧唔驶好耐就劲多火农屎，痴到成块肉都系，点食呀，好在叫佢加油佢都换过块烧炉比我地，但唔驶几耐又系咁，韩阳苑好好多咯。一食完就收，掟晒三碟野黎，两条毛巾，两块香口胶，四旧橙。佢斟开隔离台水，我地拧定只杯开D等佢斟点知佢唔理，要叫先斟，点知一斟冇晒水，佢拧走左个水壶竟然就算数，要再叫佢加水佢先好唔愿意咁加。十一点未够佢就递张单埋黎话要埋数，下，乜唔系收十二点O家咩。比钱果阵系最大声讲多谢，但我人都未行开佢就已经系咁PING拧PANG烂收野，一路行到出门口都冇人理，BYEBYE多谢冇再讲，我好耐冇试过食野食到咁咯。坐左一个钟成$250，都唔紧要，但野又唔系特别好食，肉又薄过鬼，最差系礼貌，挂住企O系度担住口烟，完全系赶客赶住收工咁，唔止BAD LIST, 直头要DELETE....