明星海鮮酒家 (已結業)

小弟住左大埔差唔多15年, 去过好多食市, 呢间都系“衰”中之“覇”。上星期同屋企人饮茶, 铺铺都系去开后面个间稲香, 谂住转下口味, 点知激到爆炸。个日入到去, 简直无任何招呼, 叫伙记埋黎落order, 唔知系唔系食左火药做早餐, 个个㶶口㶶面。我地叫左虾饺、奶黄流沙饱、春巻等等。等左一阵, 有个凶神悪杀既女waitress走埋黎, 她用个D听死人既广东话讲：“豆沙饱呀!”, 我话：“无叫到, 但搭抬个位先生就唔清楚啦”；女waitress话：“我理得你地咁多啦, 我既工作系送菜, 我以家摆系度。”我完全唔可以接受个女waitress咁串既态度, 立即找个部长黎投诉。连番理论后, 原来个女waitress系叫“流沙饱呀!”因为D广东话唔正, 所以咩左音。我觉得好诧异, 无错个Menu系写奶黄流沙饱, 但正常都讲“奶黄饱”。虽然系个小误会, 但无论点都唔应该闹客。我认为明星要自我检讨, 并且要加强对员工既培训。