影片
更多
2017-07-29
1216 浏览
朋友食过话好好食，所以即使地点系我最讨厌既铜锣湾，都决定一试。可惜最后都系失望而回。首先一去到，已经打左个突，门口超大个字写只招待会员，又系呢啲拎会所牌做生意既古惑野，我估唔到铜锣湾区都会有，度门仲要锁住要禁钟，一禁钟有人打开门口窗仔睇左你系咩人先开门俾你，唔讲以为自已去做贼... 入到去，环境算ok，坐低左叫左支清酒，饮左两杯准备叫野食，点知个侍应话今日有一个炉坏左，啲野可能会耐少少，问我地赶唔赶时间？唔赶时间先好叫... 我心谂，点解你唔系我地叫酒前讲，我酒都叫左如果赶时间系咪可以唔饮唔俾钱转去食第二间？呢个时候先问真系有点多余啰...讲下啲野食啦，失望位真系好多：1. 烧茄子：超快到左，好明显系一早整定跟住微波炉叮番热，热到出晒烟既... 我真系接受唔到咁拿西既质素2. 烧青样仔：一样，好快到左，明显烧得唔够3. 烧尢鱼筒：个size系平时街市卖廿蚊三条既size，手指公粗少少... 我朋友话上次食成只碟咁大，可能而家休鱼期？如果系咁我宁愿你唔好卖啦，当无货咪得... 咁细条你又无收平啲4. 烧多春鱼：呢个系正常既，问题系价钱，$3x一条，如果唔系朋友想食我先唔会叫... 痴线！
首先一去到，已经打左个突，门口超大个字写只招待会员，又系呢啲拎会所牌做生意既古惑野，我估唔到铜锣湾区都会有，度门仲要锁住要禁钟，一禁钟有人打开门口窗仔睇左你系咩人先开门俾你，唔讲以为自已去做贼...
入到去，环境算ok，坐低左叫左支清酒，饮左两杯准备叫野食，点知个侍应话今日有一个炉坏左，啲野可能会耐少少，问我地赶唔赶时间？唔赶时间先好叫... 我心谂，点解你唔系我地叫酒前讲，我酒都叫左如果赶时间系咪可以唔饮唔俾钱转去食第二间？呢个时候先问真系有点多余啰...
讲下啲野食啦，失望位真系好多：
1. 烧茄子：超快到左，好明显系一早整定跟住微波炉叮番热，热到出晒烟既... 我真系接受唔到咁拿西既质素
2. 烧青样仔：一样，好快到左，明显烧得唔够
3. 烧尢鱼筒：个size系平时街市卖廿蚊三条既size，手指公粗少少... 我朋友话上次食成只碟咁大，可能而家休鱼期？如果系咁我宁愿你唔好卖啦，当无货咪得... 咁细条你又无收平啲
4. 烧多春鱼：呢个系正常既，问题系价钱，$3x一条，如果唔系朋友想食我先唔会叫... 痴线！$3x一条多春鱼！唔系一份！
咁食左咁多野，都总有啲好食既：
1. 烧饭团：特登叫佢烧㶶啲，好食，有饭焦
2. 烧鸡肝：我好钟意食鸡肝，而家出面好少有得食
3. 前菜炆牛腩：好好食，我觉得全晚最好食系佢... 好淋，但肉唔鞋，唔系平时食既牛腩既口感，好特别
4. 烧牛舌：其实得唔系牛舌爱好者，我自已觉得ok，肉质好爽，但我朋友超钟意，话好好食
最后要讲服务，呢个其实系我会俾喊喊既主要原因，楼面有两位中年女士服务，有笑容亦有礼貌，上菜时自已揾位上，唔系要我服侍番佢，但有位比较年青既女士，佢主要系厨房做野，间中先出黎帮手上菜，无笑容都算，佢个面口黑到，唔知以为挣佢钱，都算，唔笑唔紧要有服务就得啦，但最最最令人唔满意既系，成台都系碟，佢上菜时拎住碟野系半空中，等！我！地！执！开！俾！佢！放！咁不如我自已去厨房拎埋自已上埋菜自已执埋碟再自已洗埋啦好唔好呀？仲要之后系一句唔该都无呀！另外两位中年女士，系会自已执位上菜，我地帮手时系识讲唔该嫁！西面都算，连基本礼貌都无，大排档阿叔都识讲唔该啦！你咁既价钱，我要求你有啲礼貌都好基本啫下嘛？我希望果位年青女士会睇到，可以检讨下啦！
最后埋单，四人3200蚊，咁既服务咁既食物质素，只可以讲句：同价钱唔成正比！
张贴