金仔米線

营业中

休息中

金仔最近新装修完，店面新净企理，但食物质素仍然未改善。今早入去试佢个早餐，嗌左一份蕃茄餐肉通粉配肠仔太阳蛋及多士、热奶茶一杯，味道十分普通，尤其系蕃茄汤底令人最失望，虽然睇上去卖相唔错，但其实味道淡如水，一啲蕃茄汤嘅感觉都无......服务方面，以为新装修完会有所改善，但原来同装修前一样水平，侍应对客人招手视而不见；食客出去攞水时，水机又系坏嘅，真系想问一句：食客嚟食野，自行斟水都算，但水机居然坏左，咁好心餐厅就主动少少俾杯水人客啦......总括一句：服务及食物质素需改善，否则只有一次客，唔会有回头客。