影片
更多
2017-02-06
1470 浏览
公司嘅开年饭今年拣咗一间西餐厅，呢间西餐厅之前都帮衬过一次，佢嘅环境几特别，系以木同埋牛仔为题材，睇落去好有好活化的感觉。之前果次食个口味系几好嘅，个心目中有个印象都会再嚟帮衬，不过因为距离公司比较远，所以今次先系第二次嚟。但系今次有啲失望，一坐低睇个餐牌佢净系做午市嘅套餐，有大概五至六个餐可以俾你拣，其中全日早餐同埋另一款嘅英式早餐已经占咗两个，所以如果系饭或者意粉嘅话呢，就只有各一个选择啦。呢度嘅午餐如果叫咗一个套餐嘅话系有一次免费沙律吧可以攞，个沙律吧就的确唔错。款式唔算多，但系捞埋𠮶种口味都几好，有好多人就净系识呢个沙吧已经食到饱左啦，所以就有其中一个选择系剩食沙津吧。我就叫咗个班尼蛋巴拿马火腿配英国松饼，呢一个餐有两旧松饼，另外总会有薯条同埋沙津做配菜，𠮶啲沙律上面会有香醋汁，薯条炸出嚟都系热辣辣嘅都唔错。但系个松饼就真系味道有啲怪，佢将个三文鱼同巴拿马火腿再加埋蛋嘅配搭，味道好奇怪。而且巴拿马火腿嘅味道比烟三文鱼味道抢晒，唔好食。重点就要讲下佢呢一个猪脊骨脾配意粉，系熟到可以打死人，煮到过唒火，入面肉系全干身，好似煲完汤d肉甘。我初头以为一个系咁样，但系原来有几个同事都系咁
之前果次食个口味系几好嘅，个心目中有个印象都会再嚟帮衬，不过因为距离公司比较远，所以今次先系第二次嚟。
但系今次有啲失望，一坐低睇个餐牌佢净系做午市嘅套餐，有大概五至六个餐可以俾你拣，其中全日早餐同埋另一款嘅英式早餐已经占咗两个，所以如果系饭或者意粉嘅话呢，就只有各一个选择啦。
呢度嘅午餐如果叫咗一个套餐嘅话系有一次免费沙律吧可以攞，个沙律吧就的确唔错。款式唔算多，但系捞埋𠮶种口味都几好，有好多人就净系识呢个沙吧已经食到饱左啦，所以就有其中一个选择系剩食沙津吧。
我就叫咗个班尼蛋巴拿马火腿配英国松饼，呢一个餐有两旧松饼，另外总会有薯条同埋沙津做配菜，𠮶啲沙律上面会有香醋汁，薯条炸出嚟都系热辣辣嘅都唔错。但系个松饼就真系味道有啲怪，佢将个三文鱼同巴拿马火腿再加埋蛋嘅配搭，味道好奇怪。而且巴拿马火腿嘅味道比烟三文鱼味道抢晒，唔好食。
重点就要讲下佢呢一个猪脊骨脾配意粉，系熟到可以打死人，煮到过唒火，入面肉系全干身，好似煲完汤d肉甘。我初头以为一个系咁样，但系原来有几个同事都系咁样，所以真系不得问一下厨师点解会咁。
有啲餐厅就会坚持话系个肉质问题，咁我就好期待呢一个负责人会点样同我讲。但系呢个负责人勇于认错，佢都话自己系煮过头，因为佢一次过会整几件，所以真系咁啱呢几件都系甘。
我另一个同事讲话无论任何嘅理由对于一个厨子来讲，煮过头其实已经系一个唔可以原谅嘅错误。但系对于我来讲，呢个负责人都好勇敢咁样去承认自己嘅过错，而且佢之后都攞番另一块新煮嘅猪扒过嚟，切开俾我哋睇，入边其实系仲有汁，咁我都算啦，起码服务好。
之后其实负责人都有问过我地需唔需要煎返几块猪扒，但系其实我地已经好饱，所以负责人就送左几个甜品，甜品我就觉得系需要赞，系真好食。
呢一个系类似意大利提拉米苏嘅甜品，但系佢呢个就雪到好似雪糕，外面再谂啲咖啡落去，食落去有酒嘅香味亦都有酒香味，还有咖啡的甘，配合得几好，又唔会太苦，又唔会太甜。
另外一个系焦糖炖蛋，食落去系比较硬身少少，但系个奶味同埋蛋味非常之香。而且上面嘅焦糖系即刻烧出黎嘅，有一层薄薄嘅糖片系上面，配埋来食好滋味。
往往好味，外观，服务都系评分不可或缺的部分，今次呢间餐厅都需要系呢三面深思熟虑。
张贴
