星林居雲南米線餐廳 (已結業)

身为韩综fans，之前新西游记黎香港食米线个时，开始对呢间市中心中嘅米线店有所关注。先小人后君子，未食嘢之前已经免费比气我食。礼貌一问店员有冇zero，佢以责骂嘅态度讲「你头先又唔讲」，话我都系第一次遇到咁嘅店员，明明落单我系指zero。服务咁，令我对整个餐厅期望大大减低，但一食，味道整体几好。食物果然可以令心情好返d。汤底叫咗小辣，正常酸，辣度可以再叫辣d，而酸味刚刚好。最欣赏系呢到有得多葱/ 多芫茜，岩晒我呢d爱料头、葱嘅人。汤面有肉碎，肉碎分量都几多。𩠌方面有鱼腐三件，偏实。令我喜出望外系腩肉。腩肉有5大片，厚身，层次分明。三分一系肥肉，咬落唔会干争争，有淡淡油香。食之前有做定功课，有食评指𩠌分量偏少。以今日食黎讲，分量都算多，甚至比连锁米线多。虽然服务差，但平心而论味道同分量都几好，甚至有惊喜，系市中心黎讲$50嘅米线都抵。味道同服务相差太大，结果打个打和，整体一般。