Dare

营业中

休息中

平时有喺呢头食开饭，记以前呢个位系一间有座位既小食店，点知有日行过见倒乜有饭食既？于是就同我女朋友走咗入去开餐喇。一入到去，有一位非常有礼貌既女职员带位，仲问我地系唔系第一次黎食！听完佢解释先知道，原来呢间铺头系半自助形式既，咩意思呢？你需要自己喺门口落单，然后佢会有送餐服务。除此之外，就系解释佢每日会有特饮可以跟餐配搭啦、啲餐系可以拣配饭或者薯菜，同埋最后一样野：佢地除咗有个主餐牌大，亦有一个定期会转既餐牌大，所以久不久黎都会有啲新鲜感！个人认为呢间铺头啲野食质素都几好，对得住个价钱，睇得出有俾心机落去烹调，加上服务态度实在好喇，为咗支持吓呢啲本土小店特别留个食评啦，希望佢地可以继续做倒落去！略嫌牛柳粒少咗啲，可能系成本问题啦，但系味道质素喺度既（个人认为啲饭略为湿咗少少，加上仲有温泉蛋，不过女朋友话觉得无乜野，见仁见智啦）。鸡扒Okay，薯条新鲜。呢个饭几正，听完佢讲先知原来个汁系自己较既，唔怪得咁夹，不过啲鸡肉虽然件数多，但系肉就略嫌少咗啲。