JAJA

营业中

休息中

我booking时提出同我屋企人庆生，都有问下有冇粉红area ge枱，职员都好亲切话尽量安排，最后亦幸运坐到粉红色sofa位，其实全场坐位阔落，每个位影出来都好靓。食物： 屋企人本身对素食冇乜概念，但一食发现素食唔一定系好淡，原来味道可以几有层次，亦可以浓味。佢一路食亦不断赞个忌廉汁饭煮得好好食，另外再试左糙米寿司（6件），即使个寿司冇鱼肉系素食都食到好多味道同几香口。呢排Menu 转左，我觉得野食好味过之前，希望餐厅keep呢个到水准，会encore👍🏻。服务：店员都好nice, 叫佢地帮手影相都有求必应，其中有一位男经理（K字头）都几细心，book枱时我讲左想系甜品碟上写字，当日食完主食后，经理亦好识做细声讲已准备左甜品碟，会上埋甜品。当上枱时经理亦向我屋企人讲生日快乐同祝贺语，屋企人相当惊喜，好开心，服务态度非常好。环境：🌸好大好靓，而且都算新净，相信有定期maintain下。坐位阔落，环境及清洁都好。 除左花之外，可能因为10月，见到d万圣节公仔，猫耳南瓜都几得意。最后当然去夹公仔机打下卡。