天ぷらまきの

营业中

休息中

果晚我拎左A36号既飞同女朋友两个人排队食饭，等到A35我地已经企系舖头面前，其他等既人都企系舖头边，睇著有两台分别两个人走左都无人叫飞，结果叫飞既女职员一出黎就叫多人既票，谂著下一张点都系我地，结果女职员叫飞A37……A37入左去坐普通枱之后我地问职员点解无左A36，佢呆一呆再睇下个ipad之后先话“之前叫左啦！”明显佢就禁多左下自己又唔记得，道歉都无声。结果坐左bar枱，叫完餐要等35分钟先出餐（间野仲写限坐60分钟），餐到之前茶都饮哂又无人补茶，仲要出少左两粒车厘茄。d女职员除左送餐就唔出黎，咩都系门口个男职员做哂，睇得出做到黑面都叫做肯做。百几蚊御膳既火灸三文鱼无咩味，件鸡仲有㶶味……厨师睇落好悠闲系到倾闲计。卖单时又见番叫飞女职员，我地问佢有无payme，佢话无，但佢已经禁好左收钱部机，再问佢有无BOCpay佢唔讲野，不停申手指示叫我地拍卡，原来佢完全无听人讲野迫人用信用卡比钱，问多几次佢先转番部机去BOCpay。服务咁差又黑面，错左又唔道歉又唔听人讲野仲好意思收服务费，真系唔会再去第二次。