梅光軒 (登龍街) (已結業)

同行朋友话呢间拉面店好似不错，虽然希慎都有一间，但佢话呢间比较好，所以最后穿过小巷试试呢间小店。即使系平日夜晚，呢间店都可能要等一等先有位。加上店内位置唔多，当晚除咗我同朋友，另外都有一组客人等紧枱。可能得两个人嘅关系，等咗无耐就可以入座。我地分别拣咗味噌麻辣面＆灸烧五花叉烧酱油拉面。味噌麻辣面自己都几钟意食物入面带啲辣嘅元素，当然唔代表我好识得辣。所以叫咗呢款拉面，一上枱已经香气四溢。几欣赏佢比咗只可以挂系碗边嘅匙羹我，咁就唔怕跌咗入碗啦haha。食物方面，拉面烟烟韧韧。汤底其实唔太食到味噌味，只食到微咸嘅汤同有少少辣。叉烧口感不俗，松软易咬，唔会太肥。鸡蛋无咩蛋白，感觉唔太吸收到汤味。灸烧五花叉烧酱油拉面呢款系朋友点嘅，就唔多评论了。北海道汽球布丁（焦糖炖蛋）我地另外加钱要咗呢个汽球布丁，因为朋友不断话好好玩又好食。好似笃咗几下先爆haha。布丁都几细旧，细过一个拳头。另外有包焦糖炖蛋味嘅粉，我地开咗好耐都开唔到。好彩有个侍应叔叔见到，帮我地拎咗铰剪先剪得开。加咗包野，食落真系有几浓嘅焦糖炖蛋味，咬落都颇香。不过真系太细粒，食完都唔够喉。