影片
更多
2011-05-23
78 浏览
预早book 定位, 为女友庆祝生日除左book 位, 我仲预先send email 拣定食咩, 俾女友一个惊喜, 等佢连食乜都唔知拣呢度o既原因系个海鲜盘, 因为早几个月前o系法国食过一次, 佢好钟意, 而我比较过各餐厅o既海鲜盘, 呢度o既价钱同份量几合理, 最紧要系好多好评仲有呢度free corkage, 可以带我自己钟意o既酒黎今晚食海鲜, 当然要饮白酒, 我同佢都比较攰, 所以拣左支低酒精度o既Moscato D'Asti服务员见到, 就主动拎冰筒帮我地chill, keep住留意我地只杯仲有冇酒, 冇就帮我地斟, 服务一流 Medium Deluxe Seafood Ice Mountain :虽然得两个人, 但系女友钟意, 都要左个medium size, 龙虾, 生蚝, 翡翠螺, cherry stone, 蟹, 呢D都新鲜, 唯独是虾, 唔够新鲜, 同埋有成十只, 多左D食海鲜会有好多壳, 服务员经常会帮我地换碟, 同换湿纸巾 Baked French Onion Soup :呢个真系必食之选, 虽然我系点俾女友食, 但系我都忍唔住试左几啖, 有好多好香o既芝士铺
除左book 位, 我仲预先send email 拣定食咩, 俾女友一个惊喜, 等佢连食乜都唔知
拣呢度o既原因系个海鲜盘, 因为早几个月前o系法国食过一次, 佢好钟意, 而我比较过各餐厅o既海鲜盘, 呢度o既价钱同份量几合理, 最紧要系好多好评
仲有呢度free corkage, 可以带我自己钟意o既酒黎
今晚食海鲜, 当然要饮白酒, 我同佢都比较攰, 所以拣左支低酒精度o既Moscato D'Asti
服务员见到, 就主动拎冰筒帮我地chill, keep住留意我地只杯仲有冇酒, 冇就帮我地斟, 服务一流
Medium Deluxe Seafood Ice Mountain :虽然得两个人, 但系女友钟意, 都要左个medium size, 龙虾, 生蚝, 翡翠螺, cherry stone, 蟹, 呢D都新鲜, 唯独是虾, 唔够新鲜, 同埋有成十只, 多左D
食海鲜会有好多壳, 服务员经常会帮我地换碟, 同换湿纸巾
Baked French Onion Soup :呢个真系必食之选, 虽然我系点俾女友食, 但系我都忍唔住试左几啖, 有好多好香o既芝士铺面, 里面装满煮到烂与未烂之间o既洋葱, 仲有吸收哂洋葱精华o既面包, 好好味 C'est tres bien!
不过的确几饱
French Escargot and Coriander Cream Soup :最晚最失败之选, 色香味都欠奉, 饮落令你联想起芫茜皮蛋汤, 我觉得系将蜗牛同芫茜打至浆, 加水煲滚而成 C'est mauvais!
Pomegranate Sorbet :饮完个汤, 餐厅送左两个石榴味sorbet 俾我地清一清个口, 感觉清新, 酸酸甜甜几醒胃, 不过个味有D假, 明显唔系天然材料整出黎
Angel Hair Pasta with Wild Mushroom and Black Truffle Cream Sauce :虽然有个sorbet 清一清个口, 但系食完个海鲜同洋葱汤, 真系饱左7-8成
我一向钟意食angel hair, 同埋一直未食到好味o既black truffle 菜式, 呢个用左松露酱o既pasta, 算系我食过最好食o既一个, 即使系饱, 我都将佢消灭左
Warm Chocolate Pudding with Vanilla Ice Cream :食完个main course, 经理因为知道我女友生日, 送左个心太软俾我地食, 即刻令我地心情靓哂
不过个心太软唔够流心, 朱古力亦都带苦味, 满足唔到我呢个甜品怪
个雪糕反而好滑, 好食
Creme Brulee :最后一道系creme brulee, 可能我地食得太多次Paul Lafayete o既creme brulee, 食到嘴都刁埋, 呢度达唔到水准
女友话蛋太熟, 唔滑, 而我就觉得面层糖太厚, 仲有㶶味
特别一提, o系上心太软之后, 经理主动帮我地影相, 佢仲拎左自己部机出黎影
起初谂住佢系晒出黎贴o系餐厅某个位, 但系食食下dessert
有个waitress 送份礼物俾我女友, 打开原来系相架, 仲放左头先佢帮我地影果张相, 前后唔够5分钟, 好快手
真系好surprise, 好窝心
全晚最满意真系佢地o既service, 既贴身又贴心, 女友大赞感觉亲切
多谢佢地带俾我地一次wonderful dinning experience
张贴
