本家韓國料理

营业中

休息中

本来睇食评嘅时候都惊服务态度唔好😆琴晚我同朋友食完全不一样的体验！！我哋嗌左个酱油蟹但迟迟都未上饭，原因韩国传统餐厅食饭有先后次序，烧牛➡️冷面➡️酱油蟹➡️烧鳗鱼➡️烧鱿鱼，而且唔俾客人破坏次序和服务🚫记住唔好偷偷地自己烧同食酱油蟹！我都有俾阿朱妈闹🤣因为我想偷食酱油蟹🤣佢即刻俾白鸽眼我🤣因为酱油蟹佢会帮我哋捞好放上蟹壳再抹干净碟边先可以开始食，我朋友唔食蟹，我叫阿朱妈另上饭俾朋友食，佢即刻闹佢唔食蟹点解要俾佢食饭🤣但最后都好有心整咗三粒紫菜波波俾佢食，我哋买咗生日蛋糕比朋友，阿朱妈都讲笑话冇蛋糕🤣全程我哋都有讲笑。好开心笑住同阿朱妈讲Bye Bye🤭阿朱妈虽然系有性格，未必人人接受到呢种玩味🫶🏽但个人应为佢只系对韩食文化的一种尊重同重视，只要明白你就唔会觉得态度唔好🫶🏽！我今日睇返其他人啲评论就知佢系话边一个阿朱妈🤣觉得好好笑，肯定系你哋抵闹！🤣希望大家都识得尊重韩国饮食文化🫶🏽佢哋服务超级好，由头service 到尾！牛扒好食，好香油脂！鳗鱼好食，够实肉！酱油蟹大只多膏，唔够咸可以点多啲豉油先食！价钱虽然贵啲，但食物质素同服务都好好！一分钱一分货！