Mini Friday (銀城廣場) (已結業)

11月真系好多人生日🎂今日约咗个生日嘅朋友出嚟食饭庆祝一下！为咗方便大家，当然要去旺角啦，费事朋友又话咁远🤣朋友生日朋友话事，佢就带咗我去Mini Friday， 大约七点去到，呢度环境灯光柔和，好似几浪漫咁，入门口仲见到一部留声机，墙壁上就挂上酒，呢度嘅装修都几有格调。一坐低服务员就攞咗一大支水俾我哋，真系唔怕冇水饮。前菜叫咗个凯撒沙律，都好大份，另外叫咗脆烧德国猪手，因为上网见到系即时点火，觉得好特别所以一定要试吓，果然真系好大只猪手，今次真系变烧猪，服务员好好，问我哋使唔使切埋，紧系要啦☺刚刚烧完嘅猪手暖暖地，皮脆肉嫩，味道好好。另主菜加$48就可以有餐汤同甜品👍