串噹噹

营业中

休息中

考验耐性嘅串烧好日唔去红磡食饭，拣左呢间串烧，落单时服务员事先声明因为外卖单多堂食串烧需等等30-45分钟，OK，即烧串烧都明嘅。时光飞逝，45分钟过去，获得鸡全翼4只（买3送1），Size正常，肉质都仲嫩。又15分钟后获得原只烧茄子，调味还好，但缺䓤花。由落单至今已70分钟，再获得四季豆及翠肉瓜。哗！翠玉瓜有两片咁多，真系多谢。本人耐性已到极限，要求取消余下订单，服务员都配合取消，最终消费$86获得一肚气，饱晒。一间有堂食嘅餐厅俾堂食嘅人无限等待，先招呼外卖单，真系大开眼界。