影片
更多
2023-12-23
2559 浏览
《十里》食物质素正常。但我最想评论嘅系服务员态度。当日我同朋友庆祝，所以拣咗《十里》。订座安排嘅位置，我好满意。有privacy 又舒服。后来我朋友手机严重冇电，但我亦都冇带充电宝。朋友就问服务员A女士：「呢度有冇得叉电？」服务员A唔使谂就话冇。过咗一阵我朋友见到服务员B女士，问同一个问题，服务员B都系答冇，但系佢有解释，话之前10个插头或充电宝都俾人偷咗。佢跟住问我朋友有冇带叉电线，有就可以用我哋座位旁嘅叉电座。𠮶刻我好惊喜，冇谂过座位隔离可以有叉电咁方便。好可惜我朋友带嘅线系iPhone最新嘅线唔系USB头，用唔到。同时𠮶一刻我都好疑惑，点解服务员A无提出呢个方案？我朋友唔放弃，跟住有一位服务员C先生，我朋友问佢有冇叉电线可以借。呢位服务员C服务态度非常好。佢问我朋友信唔信得过佢，信得过可以将个电话交俾佢，我朋友因为实在太急需要电，佢答信得过，并一手将电话交俾服务员C。服务员C就喺我哋面前将我朋友电话攞去我哋睇到嘅地方叉电。佢后来仲问我朋友可唔可以等到3:30pm 因为3:30pm就可以叉到100%。我朋友话唔使，差到50%已经可以。服务员C就话：「差到50%我再话你知。」我真系非
后来我朋友手机严重冇电，但我亦都冇带充电宝。朋友就问服务员A女士：「呢度有冇得叉电？」服务员A唔使谂就话冇。
过咗一阵我朋友见到服务员B女士，问同一个问题，服务员B都系答冇，但系佢有解释，话之前10个插头或充电宝都俾人偷咗。佢跟住问我朋友有冇带叉电线，有就可以用我哋座位旁嘅叉电座。𠮶刻我好惊喜，冇谂过座位隔离可以有叉电咁方便。好可惜我朋友带嘅线系iPhone最新嘅线唔系USB头，用唔到。同时𠮶一刻我都好疑惑，点解服务员A无提出呢个方案？
我朋友唔放弃，跟住有一位服务员C先生，我朋友问佢有冇叉电线可以借。呢位服务员C服务态度非常好。佢问我朋友信唔信得过佢，信得过可以将个电话交俾佢，我朋友因为实在太急需要电，佢答信得过，并一手将电话交俾服务员C。服务员C就喺我哋面前将我朋友电话攞去我哋睇到嘅地方叉电。佢后来仲问我朋友可唔可以等到3:30pm 因为3:30pm就可以叉到100%。我朋友话唔使，差到50%已经可以。服务员C就话：「差到50%我再话你知。」我真系非常满意呢一位服务员C嘅服务态度，因为佢真正go the extra mile 尝试帮客人解决问题。我系老细我都会想请/留住咁嘅员工。我决定喺OpenRice度公开表扬佢。同时我想弹第一位服务员A，佢嘅服务态度最唔掂。
呢间餐厅嘢食真系唔算平，一个龙虾泡饭$500左右一碗普通正常size 。俾得咁嘅价钱食饭老实讲我对服务态度系有期望。 服务员C先生嘅服务态度才绝对符合呢啲价格。
大佬，服务员A女士，我唔系去茶餐厅呀。
张贴