品越越式料理 (康怡廣場北座)

营业中

休息中

事源同友人去太古睇戏，咁就先响附近行下食下野先，听朋友讲，呢间品越响康怡开左一排，可以试下。门面非常开扬，座位阔落舒适，环境同摆设装饰亦非常有特色。咖哩鸡，另加薄饼。份量较少，两人细食既先勉强够，有啲觉得去食大x乐or大x活仲抵食好味咁。越式炒金边粉，蛋汁煎成网状，包住金边粉，加上花生碎同青柠，不错的配搭。品越三色沙冰，其实即系珍多冰，无乜特别。菠萝热情果梳打，清新开胃。服务方面，全程麻麻，由落order 开始，有两个女侍应都面黑黑，态度串串地咁。食物唔算好味，价钱偏贵，份量较少，应该无下次了。