意粉 360 (已結業)

又唔知点解，有想黎呢度食饭。可能受上次卡邦拿既影响啦，不过今次就唔食啦，因为....唔知点解啦。理应lunch应该好多人，但出奇地好多空任坐，真系O哂。忌廉汤讲真，无乜特别既。不过又算几creamy，随汤送既多士好脆口，正。另外，仲有个芝麻酱沙律，感觉好清新。比沙律酱既清淡同无咁滞。和风茄子呢个小食即系炸茄子，其实无乜特别。不过新鲜炸就真系好好食。牛柳片石头锅饭虽然好快就黎到，但个饭系好热架。牛柳片份量几多，唔太韧。个饭好烟韧，个烧汁同个饭系好夹。榛子朱古力好饮，榛子味好浓。之间仲有阵阵既朱古力味，个配搭好得意。午餐唔算太贵，有沙律、汤同主菜加野饮。都系五十几到啦，呢个价位食得过既。