琦興餐廳

营业中

休息中

老板一家人移咗民，唔理住宜家d员工系乜关系。但服务比起以前真系争好多。夜晚可能外卖比较多，我「举手叫唔该」咗3-4次，𠮶阿姐系抱住一个有万能key的心态次次答「嚟紧嚟紧嚟紧…」跟住就走咗，而听得出佢个语气系「我应咗你啦，当问题解决咗ga啦」。因为佢真系好理直气壮咁快快脆应我，而又理直气壮咁直接走咗，3，4次都系咁。最后我特登揾另外一个阿叔嚟帮我落单。阿叔行过嚟，表情+语气系「咩事？你想点？」。我讲紧我order嘅𩠌时，阿叔两次打断我问到「你落咗单未？」第二次时我都不耐烦答佢「未吖，你系第一个愿意停系度帮我落单嘅人」 之后同佢地要碗仔，加白饭，要外卖盒都系要不停咁叫多几次先有。食物质素咁多年我觉得都ok好味嘅，羊腩煲我都钟意。但整体服务真系比以前差咗好多，唔知系咪员工年纪大，精力有限，所以呈现出的质素偏低。