肯德基家鄉雞 (KFC) (已結業)

d食物系好味(虽然薯格同墨西哥脆脆份量少左d)，不过我真系要讲下佢d服务有几差!十一点一黎到，谂住食午餐，但见到佢未转牌，仲系卖紧早餐，咁就无所谓坐阵先啦。等左十分钟度，见仲未有午餐，就埋佢问个d counter 姐姐啦。问第一个问下几时有午餐，佢就劲怕事，话系呀得早餐咋，我唔知架。问第二个，佢话唔卖午餐住，因为好多人买早餐.....但系个时已经有几个师奶企哂系counter前话想食午餐。OK. 等多一阵，再问佢地，佢地话要等到d早餐卖哂先转午餐!! 我见到里面仲有劲多旧鸡扒，心谂咪要等到天光。跟住有个男人又话要买午餐，个姐姐又系话要早餐卖哂先，个男人即刻发哂脾气，话你一点先卖哂d早餐咁点呀?! 我平时都系好冷静个d，今次我都真系燥左。跟住十一点半佢地系众人的压力下转左牌。但系原来乜都未整好=.= 巴辣香鸡翼无、墨西哥脆脆无、脆鸡粒无......其实kfc十一点转午餐唔系standard 架咩....乜佢地连食物都唔准备好?今次系我第一次上openrice 留 comment....因为真系对呢间野的服务好好好好不满!! 间餐厅又揾唔到manager去处理事件，希望佢地真系好好改善下。