影片
更多
2011-05-13
28 浏览
同J同事出黎食饭，呢间系尖东都算价钱中等，上次食过下午茶感觉OK，于是再黎帮衬，点知食到一肚气。我地黎到时已经差唔多FULL，侍应就安排我地两个坐张六人枱。但冇几耐有对夫妇黎，就问我可唔可以坐返系对面（原本坐咗系同事旁边）。转位时明白冇位，我都算，照叫东西吃。PINA COLADA冇菠萝味已经失败，同事个杯MOJITO真系唔知咩事，成棵BASIL扔入去，一杯矮杯竟然加咗两个青柠入去！唔系两片，系两个！㖊味真系好怪鸡，J同事都话系人生最难饮的COCKTAIL。PIZZA仍旧一贯水准，但未好到会俾我再黎，因为个PANINI！我叫咗个PANINI OF TOMATO AND MOZZARELLA，结果佢就黎咗个芝士蕃茄沙律，我话我唔系要呢个，我要PANINI。然后上菜个侍应好疑惑咁攞本MENU黎问我叫咗咩食。喂，请问你咩事啊？我英文再差都好，就算唔识PANINI，有咩理由唔识SALAD呢个字呢？你咪以为我元朗黎就唔识睇MENU㖞！咁都未够，佢问我系边个帮我落ORDER，然后原本帮我落ORDER个侍应攞住盆野黎同我对质！（J同事话其实佢想你要咗盆沙律去，但唔好意思，我系唔食沙律既）喂，好似我系
我地黎到时已经差唔多FULL，侍应就安排我地两个坐张六人枱。但冇几耐有对夫妇黎，就问我可唔可以坐返系对面（原本坐咗系同事旁边）。转位时明白冇位，我都算，照叫东西吃。
PINA COLADA冇菠萝味已经失败，同事个杯MOJITO真系唔知咩事，成棵BASIL扔入去，一杯矮杯竟然加咗两个青柠入去！唔系两片，系两个！㖊味真系好怪鸡，J同事都话系人生最难饮的COCKTAIL。
PIZZA仍旧一贯水准，但未好到会俾我再黎，
因为个PANINI！我叫咗个PANINI OF TOMATO AND MOZZARELLA，结果佢就黎咗个芝士蕃茄沙律，我话我唔系要呢个，我要PANINI。然后上菜个侍应好疑惑咁攞本MENU黎问我叫咗咩食。喂，请问你咩事啊？我英文再差都好，就算唔识PANINI，有咩理由唔识SALAD呢个字呢？你咪以为我元朗黎就唔识睇MENU㖞！咁都未够，佢问我系边个帮我落ORDER，然后原本帮我落ORDER个侍应攞住盆野黎同我对质！（J同事话其实佢想你要咗盆沙律去，但唔好意思，我系唔食沙律既）喂，好似我系客㖞，我唔中意我都可以换过盆野啦，我话我唔系要呢样你冇理由夹硬「质」俾我个㖞！佢又系觉得我睇错MENU，又攞本MENU问我究竟要咩野，够喇！阿姐我假假地系尖东蒲咗咁耐，面海个栏bar都食匀哂，唔会唔知咩系PANINI啰唔该！佢最后仲要解释话：I thought you order the tomato and mozzarella salad。解释埋呢d毫无诚意的解释，全无悔意，sorry欠奉，好causual咁就行开咗去，好似系我讲错咁（根本系佢冇心听我落order！)真系好嬲，呢D咁既服务态度，点解会咁多人帮衬？
虽然系咁，但我都知佢唔系歧视我系中国人同以为我唔识讲英文，因为同枱个对外籍夫妇坐咗好耐都系得个drink list，个侍应仲要一黎就催佢地落order咁既服务态度，真系唔知可以系尖东生存几耐。
张贴
