影片
更多
2017-05-10
990 浏览
早2个星期六系网上见到呢间小店打算第二日试，咁就book左12:30去下啦，当我准时到达个时竟然见到人龙出现。但店内又有人享用紧食物，当然我见到入座前要先俾钱嘅，咁我礼貌地问问系排队入定点?一问之下原来条队系for book左枱嘅人，咁我谂排队俾钱再入都好合理丫，收个钱好快啫。到仲有4个差不多排到嘅时候开始有人藉问野为名打尖，收钱个女士(⬅⬅负责人，因为网上见到佢做访问)完全唔识handle件事，一边同队头嘅人讲道理，一边又安排打尖嘅人入座。而我由12:30企到13:00先入到去，当我一路排已经见到前面有对已订座嘅人都因为负责人处理不当又讲一大轮道理而嬲到走左……我心谂食个饭啫，由佢啦~排一阵、都由佢啦~点知愈接近龙头我就明白点解收个钱都要排半个钟!就系因为个负责人做野好慢又顾住每个客人讲道理，睇得出佢系个种心境平和做事井井有条唔打乱得schedule，一乱就要用自己方法control嘅人。我都系个中意叹慢板嘅人，但都明白处理客户要按情况处理。大佬呀！我食个饭啫、唔使搞到中午时份系街系咁曝晒又要俾人打尖就系为左你同每个人讲道理、讲点解排队、讲点解要book位、讲点解有个饮食概念…你要讲
我心谂食个饭啫，由佢啦~排一阵、都由佢啦~点知愈接近龙头我就明白点解收个钱都要排半个钟!就系因为个负责人做野好慢又顾住每个客人讲道理，睇得出佢系个种心境平和做事井井有条唔打乱得schedule，一乱就要用自己方法control嘅人。我都系个中意叹慢板嘅人，但都明白处理客户要按情况处理。大佬呀！我食个饭啫、唔使搞到中午时份系街系咁曝晒又要俾人打尖就系为左你同每个人讲道理、讲点解排队、讲点解要book位、讲点解有个饮食概念…你要讲咪收晒钱入晒座闩好门对住堂内个30个食客讲啰！
到我地终于入到座喇，咁见位咪坐低都好平常，佢又唔话我知坐边。我一坐低、负责人好紧张咁走过嚟用"内心急得嚟以为自己好礼貌又面带笑容"嘅语气话:我安排左你地系最入角落头咖,唔系你话就咁坐就得咖，我地座位有限，唔好意思呀下。
咁我嘅同行开始嬲喇，我都话可能新开张有啲乱啫，咁安顿好就食野啦~网上就话有40款野食，事实系地方有限得十令廿款。佢个40款系指一款食完refill另一款，唔系同时40款出现你眼前
食物质素都叫ok ge,但完全系屋企都煮到个种口味。煎鸡蛋，菜埔蛋，蒸烧卖，馒头，烚秋葵，冬瓜素肉，炒饭，依面，煎素鸡，旺菜素肉等等…咁出街食嚟讲都算健康、唔太油。但佢预俾客人可以夹嘅份量好少，烧卖一次得十令粒，等佢再蒸又等十分钟，煎蛋又系预得好少，人地一出就无晒。我谂佢refill都好快咖啫，点知厨房应该得1-2个人、完全出唔切。只可以食住面饭包顶肚
出得最多就系煎蛋，出左2-3次…我感觉系呢间野午餐试左就算，晚餐完全唔会想嚟。
个场人多又野食又少又fill得慢个负责人又赶客…就算你间野原意概念系想多啲人接触素食，我都得罪讲句:呢间野唔易做到回头客
其实我写呢个食评，系因为我有几个朋友一心想试呢度晚餐，我讲左唔好再去咖喇，咁佢都想试唯有我打电话订枱啦~
一接就知又系个负责人，我问佢想订枱、几时几人。
佢答又慢条斯理心平气和答:我地呢依家只接受会员电话预约，咁你系咪会员?
我:唔系呀，咁系咪应该要walk-in?早前我都食过都系就咁打嚟订，或者会唔会可以上网都订到?
佢:你食过?check下先…上2个星期…啊！你隔太耐喇，做咩上次嚟到又同唔我地做会员?
我(odd左):下???都无人讲过有会员可以做噃?咁即系唔订得?
佢:拿，我俾你订枱就系俾你打人尖，咁样唔啱我地公司规矩，我地公司有上市集团，有股东有开会咖，公司系会变咖.…
我(开始莫名奇妙):我无兴趣知你公司点运作，我想知系咪订唔到?订唔到唔紧要咖
佢:你有提问我要解释你知，你听我讲!听我讲先，我地系有股东开会咖，依家得会员先订到枱，上次你嚟过又唔做会员…
我:简单一句,即刻唔订得!唔紧要，你话我知你booking full晒未?未我就walk-in(嬲嬲猪)
佢:我地full晒喇噃
我:打扰晒！
如果你有耐性睇到呢度，我会同你讲
我。一。定。唔。会。再。嚟。食!!!!
张贴
