影片
更多
2016-06-22
769 浏览
第一次写食评，系因为无可能不吐不快！寻晚同朋友一行10人去小南国食生日饭，被安排坐响房内的其中一张台，坦白讲环境系靓的，望住香港夜景，食物系可接受的（虽然其中一个蟹粉豆腐系酸的，同侍应讲咗，都帮我们取消了，ok啦）但其他的服务就奇差！一. 切饼服务（i）无细心问清楚客人，惊喜被破坏当晚我们带了一个生日蛋糕为朋友庆祝生日，谂住俾个surprise俾寿星，但个侍应响无私底下问我们任何一个，就对住成台人讲：你们系唔系带左个蛋糕来？我帮你们上埋佢？ 我们已经打左个突，觉得有无搅错！但都算啦，只系觉得这个侍应好唔识做，无话佢d咩。（ii）无服务之后侍应出来「大力」放低d左个蛋糕、蜡烛同刀，咁就走咗，蜡烛同刀都无帮我们开，火机又无提供！都算！谂住生日唔到搅到唔开心！（iii）态度差劣唱完生日歌，谂住侍应会来切饼，系我地叫佢先打算做，个样仲黑过关公，其中一个朋友谂住打完场，话自己分得啦，个关公侍回应咗一句：「咁你地自己切就最好啦！」咁就走咗！（iv）总结问题系你收我$100切饼费，除了帮我雪住个蛋糕同帮我放落只大碟度，其他野都唔做或唔想做，堂堂一间大集团的「高级食府」，响尖沙咀北京道一号开店，连基本
寻晚同朋友一行10人去小南国食生日饭，被安排坐响房内的其中一张台，坦白讲环境系靓的，望住香港夜景，食物系可接受的（虽然其中一个蟹粉豆腐系酸的，同侍应讲咗，都帮我们取消了，ok啦）但其他的服务就奇差！
一. 切饼服务
（i）无细心问清楚客人，惊喜被破坏
当晚我们带了一个生日蛋糕为朋友庆祝生日，谂住俾个surprise俾寿星，但个侍应响无私底下问我们任何一个，就对住成台人讲：你们系唔系带左个蛋糕来？我帮你们上埋佢？ 我们已经打左个突，觉得有无搅错！但都算啦，只系觉得这个侍应好唔识做，无话佢d咩。
（ii）无服务
之后侍应出来「大力」放低d左个蛋糕、蜡烛同刀，咁就走咗，蜡烛同刀都无帮我们开，火机又无提供！都算！谂住生日唔到搅到唔开心！
（iii）态度差劣
唱完生日歌，谂住侍应会来切饼，系我地叫佢先打算做，个样仲黑过关公，其中一个朋友谂住打完场，话自己分得啦，个关公侍回应咗一句：「咁你地自己切就最好啦！」咁就走咗！
（iv）总结
问题系你收我$100切饼费，除了帮我雪住个蛋糕同帮我放落只大碟度，其他野都唔做或唔想做，堂堂一间大集团的「高级食府」，响尖沙咀北京道一号开店，连基本的礼貌和服务态度都无，系不能容忍！
二. 赶收工
间餐厅写得好清楚系23:00关门，佢地由22:15左右就轮流做d小动作想叫我们走。
（i）埋单
22:20 就叫我们埋单，有个疑似部长的人响无作任何解释（如：我们要埋数，麻烦可唔可以帮我埋左张单先）语气唔好的态度下叫我们埋单，但好笑地，佢地之后一直无人入来攞返张单㖞！
（ii）未走先执台
我们未打算走，仲倾紧计，就有两个侍应不停收晒我们的碟，劲嘈，其实系唔系应该等客人离开先执呢？
（iii）关冷气
22:45左右，有个疑似部长入房关了我们的冷气！22:50佢地就叫我们走啦，门口已经见到部分职员已经换好做服等收工！
收利园的价钱，俾九流的服务，再靓的景，再好的食物都唔会有下次！
小南国的管理层，请好好培训员工，尤其你们的目标顾客系商务、高端顾客及游客，除了提供好的食材、好的用餐环境外，优质的服务态度都同样重要，缺一不可！
张贴