紅磡冰室 (已結業)

话想有日做完 Facial，经过呢间见近近地，又多啲野食，入去食个 tea。超级后悔，早知过隔离食烧鹅，反正都系唔洗排队。入到去望完餐牌，成间餐厅都系侍应，但叫餐就无人理，个个懒懒闲，谁不知个厨房仲衰。叫左个咸鱼鸡粒炒饭，加冻奶茶少奶。 2分钟齐晒，心知不妙。先讲奶茶，叫左少奶但都仲系一啲茶味都无，仲要系得个死甜。到个咸鱼鸡粒炒饭，个样好似正正常常，粒粒分明，唔油，但重点系成碟饭都系冻冰冰，食落口咬落全部饭都系硬，就知道最少摆左20分钟以上，去问职员佢话炒饭系甘架啦！唔会即炒，系夹单先开镬炒，摆喺度冻左，好正常。唔满意换过碟比你啰！去得茶记，就系为左食即煮热辣辣嘅野食，如果晨早整好摆喺度，有客就装比佢食，连翻热都无，甘同快餐店有乜分别，甘样心态做野，唔洗再帮衬。