寿司造 (莊士敦道) (已結業)

睇完中医经过呢间寿司舖觉得有啲特别, 因为以前好似唔觉有呢间舖头,  可能太耐无去湾仔. 见到间舖头咁新净当然入去试下. 其实𠮶度啲选择唔多甚至偏小, 都系啲十分普通的鱼生同丼, 卒之买了一个鳗鱼饭,  一盒加州卷, 一碗汤和一盒三文鱼寿司. 店员小姐好有耐心咁解释呢间舖头系半年前才开张, 又细心讲解点用佢地个app会换取优惠, 比起  chotto maki 呢一间无负评但服务原来异常差劣串爆的女店员简直天和地比. 今时今日系香港好难揾到咁尽责的服务员. 舖头门面十分干净, 光线充足, 而且佢地整咗一条斜路畀坐轮椅的顾客用但食物就要改进一下. 鳗鱼好硬重有啲腥味, 又系普通米. 三文鱼唔系好新鲜. 加州卷啲料偏小, 而碗汤就认真难饮似一碗有腥味的盐水, 而且食物系微温. 由我买完去返上车食都只系五分钟所以无乜可能系天气令到啲食物变热. 唯一落足料反而系外卖包装纸袋同啲食物胶盒.某程度上争鲜啲三文鱼系好食啲, 希望佢地可以改进下啲味度唔好浪费咗店员尽心经营的心机