沛

营业中

休息中

见到网上多人推荐就慕名而去，结果真系大失所望：先赞赞职员态度良好，亲切有礼；可惜成间餐厅5张2人台，位置狭窄，张台细到电话都摆唔落，而且有张台烂嘅，一郁张台就有声；叫个最多人食嘅$228嘅2人套餐，但系冇谂到要等45分钟先上齐菜；首当其冲嘅就系完全冇味嘅前菜，得几片泡菜，拖长黎10分钟慢慢食完都要等多半个钟，跟住有个泡菜五花腩面，五花肉烧得几好，但系个面嘅汤底好酸，同埋公仔面真系好普通；最夸张系个炸鸡，炸粉好多，兼且似炸鸡皮多过炸鸡，肉量相当少。食物质素同价钱完全唔匹配，高价低质嘅环境，虽然冇加一但系必须坦白价格不亲民食物唔好食！