影片
更多
2018-05-28
1594 浏览
同朋友相聚，拣左呢间日本菜，初头见食评唔多，以为冇咩特别，但食完喜出望外，除左食物唔错，环境舒适，服务态度真系100分大赞!当晚我地bk左6点半入座，店内客人唔多，但到7点几已经坐哂人。虽然店舖唔大，但坐位宽敞，坐得相当舒适，适合同朋友聚餐。我地因为怕食唔哂，所以分左3次点单。集锦刺身: 刺身新鲜，切得厚厚，口感不错。集锦鱼生卷: 虽然大大件，但冇好易散开，味道亦相当丰富，食完感觉好满足!平时好钟意食伴碟既姜片，因为酸辣甜，好开胃，但呢间店既姜片比较辣口，只有少少酸味，甜味就冇咩，所以食唔哂。寿司: 新鲜，但惊喜不大。豆腐鳗鱼天妇罗: 呢个值得推介，天妇罗外面炸得唔错，炸既部分唔会太厚。中间豆腐夹住鳗鱼，鳗鱼味道烤得岩岩好。唯独size比较大，食一件够哂饱。仲有叫串烧同烤饭团，可能我地串烧叫左大路野，冇太大惊喜，鸡肾同烟肉烧得比较干，银杏苦味太重。烤饭团就烤得唔错，外脆内暖，中间心既饭唔会太湿，刚刚好。食到最后有雪糕送，拣左豆腐雪糕，觉得太甜，唔系我杯茶。朋友拣左芝麻雪糕，觉得几好味。服务要特别赞，店员都好友善同细心，见我地倾得兴喜，食物都冻哂，主动黎问我地要唔要返热。另外，我地食最后
初头见食评唔多，以为冇咩特别，但食完喜出望外，除左食物唔错，环境舒适，服务态度真系100分大赞!
当晚我地bk左6点半入座，店内客人唔多，但到7点几已经坐哂人。虽然店舖唔大，但坐位宽敞，坐得相当舒适，适合同朋友聚餐。
我地因为怕食唔哂，所以分左3次点单。
集锦刺身: 刺身新鲜，切得厚厚，口感不错。
集锦鱼生卷: 虽然大大件，但冇好易散开，味道亦相当丰富，食完感觉好满足!
平时好钟意食伴碟既姜片，因为酸辣甜，好开胃，但呢间店既姜片比较辣口，只有少少酸味，甜味就冇咩，所以食唔哂。
寿司: 新鲜，但惊喜不大。
豆腐鳗鱼天妇罗: 呢个值得推介，天妇罗外面炸得唔错，炸既部分唔会太厚。中间豆腐夹住鳗鱼，鳗鱼味道烤得岩岩好。唯独size比较大，食一件够哂饱。
仲有叫串烧同烤饭团，可能我地串烧叫左大路野，冇太大惊喜，鸡肾同烟肉烧得比较干，银杏苦味太重。烤饭团就烤得唔错，外脆内暖，中间心既饭唔会太湿，刚刚好。
食到最后有雪糕送，拣左豆腐雪糕，觉得太甜，唔系我杯茶。朋友拣左芝麻雪糕，觉得几好味。
服务要特别赞，店员都好友善同细心，见我地倾得兴喜，食物都冻哂，主动黎问我地要唔要返热。另外，我地食最后先叫刺身，店员好细心甘比多只碟我地，提我地刺身要分碟食。
总体系一次唔错既晚膳。
张贴
