好燒式串燒專門店 (砵蘭街)

营业中

休息中

收工想食啲野，又唔想食淀粉质既情况下，决定食串烧，系朋友介绍下黎到 好烧式 。一黎到第一个感受就系服务相当好，由介绍食物到讲解食法，唔单止专业仲相当热情，令客人十分舒服，好似去左朋友屋企食饭咁。由于本人唔食得太辣，所以嗌左小辣，辣味唔会盖过食材味，调味平衡得相当好。所有串烧都烧得时间岩岩好唔会太老。佢既原条烧鱼亦相当不错，因为见当时唔少客人都有嗌，就跟住嗌左条马友，肉质相当相嫩滑，加埋每人都都有既泰色辣酱一齐食，又多左一重风味。黎到推介环节，依一个烤蒜味道唔算好浓烈，有淡淡甜味，加上香草味，有扒房质素。依个带肉既鸡软骨，烧得香脆，鸡软骨条充满咬口，食落好过引。依个烧白鳝系必食之选，鱼皮烧到极脆，一啲都唔腥，肉质依然嫩滑，我一次可以食3条呀！只要收工/宵夜想揾野食依个都系相当唔错既选择，而且位置方便易揾，系可以试完再试又再试既串烧店。