Gastrobox The Cameron (已結業)

食靓扒最紧要坐得舒服，再加埋地方靓同服务好，绝对系perfect。今晚原本谂住试下个二人餐，不过又想食羊架，十五十六最后都系决定散叫。我地叫左4样野，2款主菜2款前菜。法式香草烧嫩羊仔鞍，5成熟。羊肉烧到粉红色，刚刚好，真系好嫩好好食。紫苏茄蓉天使面配龙虾，龙虾肉好鲜甜，又多膏，好味。唯茄蓉略咸，我觉得如果个茄蓉天使面淡啲味龙虾味可以再出啲。英式苹果酒炸虾，呢个前菜好香口，配埋他他酱食到停唔到口。法式磨菇焗田螺，田螺同薯蓉都好好味。最后，特别想赞下个香草多士，外脆内软，新鲜好食。总括嚟讲啲食物好好食，服务又好好，值得再去。