影片
更多
2022-07-02
2072 浏览
.最近呢间餐厅人气爆灯，适逢同老公既周年纪念就快到，我地就订左呢间餐厅庆祝啦。究竟呢到既食物质素、环境系咪真系咁好?!我地book左平日放工后时间用餐，去到只有我地一枱客，我remark左要corner位，以为可以坐近特色字墙个边，但被其他客book左了，唔紧要啦，坐近窗既位置都几好既。一坐底女店员已经比左两杯水同menu我地睇，都同我地讲左个晚set menu既汤系粟米汤，服务暂时都几好既。我地叫左set dinner for two (6 courses) (HK$638)，再加一杯house white wine (+HK$58)同一杯moscato (HK$58)。如果想散叫亦可，佢本menu都几得意，有人手画既公仔图案。*First course - 粟米汤*唔特别，比较稀身既粟米汤而已😐。*Second course - 水牛芝士蕃茄配薄荷黑醋汁*呢道前菜比较出色，将水牛芝士、车厘茄同薄荷叶一齐夹黎食，味道清新可口，带点酸酸甜甜好开胃😋。*Third course - 水牛城鸡翼*好耐冇食水牛城鸡翼，比较期待，不过要失望了，鸡翼只系煎过，冇炸过，甜酸味没有，好普通😐。Fou
最近呢间餐厅人气爆灯，适逢同老公既周年纪念就快到，我地就订左呢间餐厅庆祝啦。究竟呢到既食物质素、环境系咪真系咁好?!
我地book左平日放工后时间用餐，去到只有我地一枱客，我remark左要corner位，以为可以坐近特色字墙个边，但被其他客book左了，唔紧要啦，坐近窗既位置都几好既。
一坐底女店员已经比左两杯水同menu我地睇，都同我地讲左个晚set menu既汤系粟米汤，服务暂时都几好既。我地叫左set dinner for two (6 courses) (HK$638)，再加一杯house white wine (+HK$58)同一杯moscato (HK$58)。如果想散叫亦可，佢本menu都几得意，有人手画既公仔图案。
*First course - 粟米汤*
唔特别，比较稀身既粟米汤而已😐。
*Second course - 水牛芝士蕃茄配薄荷黑醋汁*
呢道前菜比较出色，将水牛芝士、车厘茄同薄荷叶一齐夹黎食，味道清新可口，带点酸酸甜甜好开胃😋。
*Third course - 水牛城鸡翼*
好耐冇食水牛城鸡翼，比较期待，不过要失望了，鸡翼只系煎过，冇炸过，甜酸味没有，好普通😐。
Fourth course - 龙虾汁蟹肉意大利饭
本身我地纠结紧叫广岛蚝意大利饭好定系龙虾蟹肉意大利饭好，最后都系叫左后者😆好彩个饭都ok，食risotto我最关心系啲饭煮成点，饭唔得成碟可以报销，呢碟risotto系好食既，冇生米，每粒米都煮得软熟，吸哂龙虾汁，好入味，最惊喜既一点系佢将蟹肉捞入饭到mix左一齐，每食一啖饭都有蟹肉，好正😋。
Fifth course - 16小时慢煮油封鸭髀
鸭脾肉嫩滑，带有香草香味，慢煮可以锁住肉汁又唔会overcook，鸭味都香。配菜有牛蒡，呢个好食㖞，有酸瓜。整体黎讲都ok既，不过都系冇咩惊喜😬。
Dessert - 咖啡蛋糕
咖啡蛋糕表面有块朱古力片，蛋糕入面好软熟，咖啡味同朱古力味都重，好浓咖啡香，我地两个都钟意食，觉得几好😋。
House white wine 偏酸，都唔够香，老公唔太钟意呢枝酒。Moscato就正正常常，香过杯white wine。
全晚得两个店员，但服务都好好，会主动斟水、收碟，我想要杯热水，佢比左一壶我，我都几surprised😂appreciate既。
环境方面，餐厅有11张4人枱，坐近窗会舒服啲，可能系梳化位吧。其实佢既装修都系偏暗黑风，有蓝灯点缀，其实几有情调，播既音乐都好chill，其实几适合黎庆生庆周年，不过我冇request佢写字，只系remark左庆周年纪念，我谂住甜品有写字就bonus黎。我见有人黎庆生会送张卡仔同即影即有相，不过要订枱时request吧。
本身7点半前用餐环境都几好，坐隔离枱既食客都系细声讲野，坐近特色墙个边有4张枱，有2张坐左4人既，另外一枱有个女仔等紧佢朋友到，到呢刻环境都系好舒服。点知个女仔既朋友到左后，两个人就好大声讲野，我地同佢地相隔至少两米，都好清楚听到佢地讲咩，加埋餐厅音乐，成个环境变得好嘈，好想快啲走😮💨古人话三个女人一个墟，依家两个女人已经一个墟😮💨好彩系我冇坐近特色墙𠮶个凹位既座位，否则嘈音会更犀利。
整体而言，我觉得呢到既食物质素、味道又未到好惊喜好高质，但一试无妨既，六道菜有一半ok既，自行衡量，但服务真系好好👍🏼
.
味道 ★ ★ ★ ☆ ☆
环境 ★ ★ ★ ☆ ☆
服务 ★ ★ ★ ★ ☆
性价比★ ★ ★ ☆ ☆
张贴
