SENSU (已結業)

喺铜锣湾行完街随意发现到哩间餐厅，环境同气氛都几舒服。枱与枱之间分隔到好开，保持适当距离好重要，食得安心d。餐式选择偏向日式与西式既混合，几正咁。红葱炸鸡汉堡 $128个卖相靓，影番两张相打卡先！旧炸鸡超大，咬落好脆多肉汁，唔会好油，夹住腌制过既红葱一齐食好夹，个包都烘得好脆。粗薯条炸到金黄色，争紧杯可乐，哈！烧日本猪腩肉饭 $128估唔到面头摆左泡菜，成件事带有韩风味道，正。猪腩肉烧得好香，肥瘦均匀，日本米好香，望落去好似唔大碗，食落都几饱，足料的。值得一提店员好有礼貌，服务贴心，哩个价钱都好合理，下次再黎过食。