亞泰

营业中

休息中

餐厅环境几干净同光线充足，啲侍应姐姐好好礼貌，见我怀孕中，就主动问我使唔使要暖水，好少遇到有咁窝心嘅侍应。本身个龙虾汤河系配冬阴功汤底，我唔系咁钟意冬阴功，所以问佢可唔可以转清汤，餐厅好好咁俾我转左船汤底👍🏻好欣赏，个龙虾嚟到一啲都冇雪藏味，仲要有我手掌咁大个，佢本身切开咗一半，所以都好容易食到，唔使整污糟只手，啲河粉嘅份量好多，我一个人食唔晒。另外叫咗个我最钟意嘅香茅鸡翼，应该系生炸，仲系好多汁，同个皮好脆，加埋少少炸蒜蓉粒，真系好惹味。食咗招牌嘅咖喱蟹肉包，个包烤得好脆，蟹肉份量都好多，最重要系个咖喱一啲都唔辣，甜甜地。惊喜位系个芒果糯米饭，因为而家唔系好啱季节，但系个芒果竟然系好甜唔酸，个糯米饭上枱嘅时候仲系暖粒粒。