哈豆

营业中

休息中

观塘工业大厦台湾菜，叫咗比较推荐嘅五宝什锦干拌面，五宝即系香肠、鸡翅、豆腐、花枝丸、贡丸，谂唔到叫咩𩠌可以考虑呢个，样样都试到。不过呢五样𩠌唔系太够热，鸡翼似系一早煮好冇翻热直接夹落去，花枝丸同埋贡丸都非常普通，不太弹牙，亦都吾热。干拌面店家系用关庙面，系台南市著名嘅手工面，面质粗身，但煮得太淋，完全唔爽口，酱汁系麻辣酱加上芝麻酱，几香。而饮品今次试咗佢哋独有嘅珍珠豆浆红茶，清香健康。今次叫咗少甜，饮落去有啲淡口，比较建议试返原味。同埋店员唔太熟悉流程，似系新黎，埋单嘅时候出现咗小插曲，已经比完钱，但系系我入咗lift 之后追出嚟话我比少钱，埋单都搞咗10分钟，最后发现系店员嘅问题，佢哋将隔离枱落嘅食物落咗去我张单𠮶度，今次用餐嘅体验非常差，本身已经好赶时间，最后搞到上堂迟到。