影片
更多
2018-08-16
310 浏览
呢间餐厅食物正常，但服务差到一个点，冇下次！揾个侍应姐姐落完单 (叫咗炒罗汉斋、蒸水蛋)，过咗五秒之后佢又返转头，叫我哋重复一次叫咩嘢饮，我心谂你啲记性差过金鱼㖞？但我当佢一时大意算数啦！点知等咗二十分钟啲嘢食都未嚟，于是问下个楼面经理，佢个答案简直当咗客人系白痴！佢话：「因为同一台嘅𩠌，我哋会夹埋一次过先上。」下下下？我仲以为自己听错。经理再理直气壮咁补充：「因为蒸水蛋要等，所以个罗汉斋会等埋先一齐上！」我真系第一次听到啲咁荒谬嘅理由！我哋两个人，一人叫一份晚市套餐各自食，因乜事要等埋先一齐上呢？你漏咗单咪漏咗单啰，做乜要作个咁低能嘅藉口？之后我仲听到唔止我哋一台客系漏单、错单，好明显唔系单一事件……故事仲未完㖞，我哋两个人落单时明明都讲咗两个𩠌要加钱转套餐(即系加$10有饭有汤)，之后个侍应竟然话我哋只系转咗一个做套餐。本身我已经想闹爆佢，不过老婆话算数，下次唔好再嚟！
揾个侍应姐姐落完单 (叫咗炒罗汉斋、蒸水蛋)，过咗五秒之后佢又返转头，叫我哋重复一次叫咩嘢饮，我心谂你啲记性差过金鱼㖞？但我当佢一时大意算数啦！
点知等咗二十分钟啲嘢食都未嚟，于是问下个楼面经理，佢个答案简直当咗客人系白痴！
佢话：「因为同一台嘅𩠌，我哋会夹埋一次过先上。」下下下？我仲以为自己听错。经理再理直气壮咁补充：「因为蒸水蛋要等，所以个罗汉斋会等埋先一齐上！」
我真系第一次听到啲咁荒谬嘅理由！我哋两个人，一人叫一份晚市套餐各自食，因乜事要等埋先一齐上呢？你漏咗单咪漏咗单啰，做乜要作个咁低能嘅藉口？
之后我仲听到唔止我哋一台客系漏单、错单，好明显唔系单一事件……
故事仲未完㖞，我哋两个人落单时明明都讲咗两个𩠌要加钱转套餐(即系加$10有饭有汤)，之后个侍应竟然话我哋只系转咗一个做套餐。本身我已经想闹爆佢，不过老婆话算数，下次唔好再嚟！
黑松露蒸水蛋
23 浏览
0 赞好
0 留言
炒罗汉斋上素
27 浏览
0 赞好
0 留言
张贴
